ՀՀ Արտաքին գործերի նախարարության մամուլի քարտուղար Աննա Նաղդալյանը հայտնել է, որ Ադրբեջանի դիրքորոշումը ղարաբաղյան կոնֆլիկտի հարցում ակնհայտ է. Ադրբեջանին Արցախը պետք է առանց հայերի:
Աննա Նաղդալյանը նշել է, որ վերջերս Ադրբեջանի նախագահ Իլհամ Ալիևը անդրադարձել է Արցախի երբեմնի ծաղկուն Մարաղա գյուղին,որտեղ ապրել է 5000 հայ: 1992թ.-ին, սակայն, Մարաղայի բնակչությունը սպանվել է ադրբեջանցի զինվորականների կողմից, և այժմ գյուղը գտնվում է Ադրբեջանի օկուպացիայի տակ:
«Այսօր Ադրբեջանի նախագահը հայտարարում է աշխարհին, որ այդ գյուղը վերականգնվել է և բնակեցվել ադրբեջանցիներով: Այս հայտարարությունը կազմում է Ադրբեջանի` Լեռնային Ղարաբաղի կոնֆլիկտի կարգավորման հարցում ունեցած դիրքորոշման հիմնաքարը և տրվում է որպես հարցի լուծում»:
Աննա Նաղդալյանը նաև նշել է, որ Մարաղայի մասին արված հայտարարությունը բացահայտում է Ադրբեջանի կառավարության իրական միտումը,որը ուղղված է ոչ թե խաղաղության, այլ ժողովրդի հանդեպ բռնության:
