Բարի օր Հասարակություն 

Այս գիշեր սպանված ոստիկան Տիգրան Առաքելյանն ամուսնացած էր, ունի 2 անչափահաս երեխա /լուսանկարներ/

Երևանում այս գիշեր սպանված ոստիկան Տիգրան Առաքելյանը ոստիկանության ավագ էր։ Ծնվել է 1981թ-ի սեպտեմբերի 22-ին Արարատի մարզի Արգավանդ գյուղում։ Սովորել է Երևանի պետական համալսարանում։

Առաքելյանը ամուսնացած էր, ունի 2 անչափահաս երեխա՝ տղա և աղջիկ։

Tigran Araqelyan-ի լուսանկարը:

Tigran Araqelyan-ի լուսանկարը:

Tigran Araqelyan-ի լուսանկարը:

Tigran Araqelyan-ի լուսանկարը:Լուսանկարները՝ Տիգրան Առաքելյանի ֆեյսբուքյան էջից:

Ավելի վաղ ոստիկանությունը հայտարարություն էր տարածել, որում մասնավորապես ասված է.

Հոկտեմբերի լույս 16-ի գիշերը' ժամը 04․30-ի սահմաններում, ոստիկանության պետական պահպանության գլխավոր վարչության Արաբկիրի պահպանության բաժնի գիշերային ծառայություն իրականացրած կարգախմբերից մեկի ոստիկանները «Հաղթանակ» զբոսայգու մուտքի մոտ նկատել են երկու անձի։

Վերջիններս տեսնելով պարեկային մեքենան փախել են։ Ոստիկանության ծառայողները հետապնդել են նրանց և Ազատության պողոտայում բռնել։ Բռնված անձինք դիմադրել են։ Այդ ընթացքում նրանցից մեկը խլել է ոստիկաններից մեկի հաշվեցուցակային ատրճանակն ու կրակել նրանցից մեկի վրա, ինչպես նաև ատրճանակի բռնակով հարվածել մյուս ոստիկանին։ Վերջիններս դեպքի վայրից դիմել են փախուստի։

Ստացած հրազենային վնասվածքի հետևանքով՝ Արաբկիրի պահպանության բաժնի ոստիկան, 38-ամյա Տիգրան Առաքելյանը մահացել է։ Դեպքի առթիվ քրեական գործ է հարուցվել։ Ձեռնարկվում են օպերատիվ-հետախուզական միջոցառումներ ու քննչական գործողություններ՝ կատարվածի բոլոր հանգամանքները պարզելու, հանցագործություն կատարած անձանց ինքնությունը պարզելու եւ նրանց հայտնաբերելու ուղղությամբ։ Ցավակցում ենք ծառայողական պարտականությունները կատարելիս զոհված մեր գործընկերոջ ընտանիքի անդամներին ու հարազատներին, կիսում կորստյան խոր վիշտը։

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից