ՀՀ արտաքին գործերի նախարարության մամուլի խոսնակ Տիգրան Բալայանը պատասխանել է tert. am լրատվական կայքի` ավելի քան 20 տարի առաջ կործանված ադրբեջանական ուղղաթիռի պատմության շահարկման վերաբերյալ հարցին:
Հարց. Ադրբեջանի ԱԳՆ-ն հանկարծակի սկսել է շահարկել Բաքվի կողմից քսան տարուց ավել մոռացված ադրբեջանական կործանված ուղղաթիռի պատմությունը։ Ինչպե՞ս կմեկնաբանեք դա։
Պատասխան. Ուսումնավարժական թռիչք իրականացնող Արցախի Պաշտպանության բանակի ուղղաթիռի սադրիչ խոցման հետևանքով առերեսվելով միջազգային հանրության հասցեագրված արձագանքին՝ Ադրբեջանը փորձում է սին արդարացումներ գտնել, մտացածին մեղադրանքներով քողարկել իր փաստարկների բացակայությունը։
