ԱԱԾ աշխատակիցներն այսօր՝ հոկտեմբերի 17–ին այցելել են Սահմանադրական դատարանի նախագահ Հրայր Թովմասյանի հոր՝ 75–ամյա Վարդան Թովմասյանի՝ Դարակերտ գյուղում գտնվող տուն:
Լրագրողների հետ զրույցում Թովմասյան ավագն ասաց, որ չի հիշում, թե երբ են փոխել տանիքը՝ նշելով, որ բարեկամ է փոխել այն:
Պարոն Վարդանյանը կարծիք հայտնեց, որ ԱԱԾ աշխատակիցներն առիթ են ման եկել գալ ու տեսնել, թե ինչ «դղյակներում» են իրենք ապրում:
Թովմասյանն ասաց, որ մտահոգություններ ունի ու տեղյակ չէ, որ թոռնիկներին էլ են կանչել ԱԱԾ:
ՍԴ նախագահի հայրն ԱԱԾ աշխատակիցներին ասել է, որ անհրաժեշտության դեպքում կգնա ԱԱԾ՝ նշելով, որ վաղը հավանաբար փաստաբանի հետ կանի դա. «Կրիշի մասին են միայն հարցրել, այլ բան չեն հարցրել: Այլ բան չկա»:
Թովմասյանն ասաց, որ վերջերս վիրահատվել է, հիմա վատառողջ է:
Նա չգիտի, թե ինչի հետ են կապված ստուգումները:
Հարցին՝ հաճախ է արդյո՞ք Հրայր Թովմասյանը հայրական տուն գնում, պարոն Վարդանն ասաց, որ որդին շատ զբաղված է լինում, դրա համար իրենց հյուր գնում է միայն 15-20 օրը մեկ. «Ուշ ուշ է գալիս»: