«Անձնական տվյալների պաշտպանության մասին» օրենքի նախագիծը կարող է քաղաքացիների համար ստեղծել հավելյալ խոչընդոտներ և նրանց անվտանգության հետ կապված խնդիրներ: Նման կարծիք լրագրողների հետ հանդիպմանը նոյեմբերի 21-ին հայտնեց ԱԺ ՕԵԿխմբակցության պատգամավորԼևոն Դոխոլյանը:
Նրա խոսքով` համաձայն այդ նախագծի` հավաքագրվելու են քաղաքացիների տվյալներ, սակայն օրենքում ամրագրված չէ, թե ինչ միջոցառումների համար է դա կատարվելու և ինչ նպատակով են այդ տվյալները օգտագործվելու:
«Նաև հարց է առաջանում, թե բյուջեից ինչքան գումար է հատկացվելու անձնական տվյալների հավաքագրման համար համապատասխան նոր կառույցի ստեղծման նպատակով»,- հավելեց Լևոն Դոխոլյանը:
