Բելոռուսիայի մայրաքաղաք Մինսկում տեղի է ունեցել «Հայ զինվորները հանուն Բելոռուսիայի մարտերում (1941-1944թթ.)» գիտապատմական գրքի շնորհանդեսը:
«Գրքում առաջնային տեղ են զբաղեցնում մարտերում զոհված, անհետ կորած և Բելոռուսիայում թաղված 3429 հայ զինվորների մասին կենսագրական տեղեկությունները, որոնք ի մի են բերվել առաջին անգամ: Առանձնացված է նաև Բրեստի ամրոցը պաշտպանող հայերի անվանացանկը, որում 101 մարդու անուն է նշվում: Տեղեկություններ կան նաև 654 պարտիզանների և ընդհատակյա գործիչների մասին»,- հայտնում է «Բելոռուսիան այսօր» հրտարակչությունը:
Նախագծի ղեկավարը Հայագիտական հետազոտությունների աջակցության և զարգացման ֆոնդի տնօրեն Արմեն Խեչոյանն է:
