Եվրահանձնաժողովի նախագահ Ժան-Կլոդ Յունկերը հուզվել է ԵՄ-ի վերջին գագաթնաժողովում ելույթ ունենալու ժամանակ։ Հմապատասխան տեսանյութը հրապարակվել է կազմակերպության թվիթերյան էջում։
Դիմելով լրագրողներին, Յունկերը շնորհակալություն է հայտնել համատեղ աշխատանքի համար և նշել, որ այս ընթացքում անցկացվել է մոտ 150 գագաթնաժողով. «Ես կհպարտանամ մինչև կյանքիս վերջ, որ կարողացել եմ ծառայել Եվրոպայում»,-հուզված ձայնով ասել է նա։
Յունկերի այս խոսքերից հետո ներկաները բարձր ծափահարել են։
Հիշեցնենք, որ Յունկերը պաշտոնավարում է 2014 թվականից։ Նրա իրավահաջորդը Ուրսուլա ֆոն դեր Լյայենն է, ով մինչև 2019 թվականը եղել է Գերմանիայի Պաշտպանության նախարարը։
"Merci @donaldtusk pour ton amitié et ta complicité. Merci aux journalistes de m’avoir accompagné pendant des siècles. Je resterai fier jusqu’à la fin de ma vie d’avoir pu servir l’Europe.” @JunckerEU pic.twitter.com/iUbeXdu3Fo
— European Commission 🇪🇺 (@EU_Commission) October 18, 2019
