Ամերիկյան Newsweek թերթը հայտնում է, որ Թուրքիայի կողմից Սիրիա ներխուժելու կոնտեքստում ԱՄՆ նախագահ Դոնալդ Թրամփի խորհրդականները Թուրքիայի վրա ճնշում գործադրելու մի քանի տարբերակ են առաջարկել, և դրանցից մեկը Հայոց ցեղասպանության ընդունումն է եղել:
Ամերիկայում Հայաստանի ասամբլեան հանդես է եկել կոչով, որով միանում է ԱՄՆ-ի Սենատի և ղեկավարության կողմից Սիրիայում Թուրքիայի ագրեսոր գործողությունների քննադատությանը: Կոչում նշվում է նաև, որ Սիրիայում թուրքերի կողմից կատարվող գազանաբարո գործողությունները նման են 1915 թ. Մեծ եղեռնի ժամանակ հայ ժողովրդի հանդեպ իրականացվող վայրագություններին:
Ամերիկյան քաղաքագետների համար Հայոց ցեղասպանությունն ընդունելու կոչերը նորություն չեն: Տարբեր առիթներով Հայոց հարցը շոշափվում է, բայց հետո մոռացվում:
ԱՄՆ 50 նահանգներից 49-ը պաշտոնապես ընդունել և դատապարտել է Հայոց ցեղասպանությունը, ինչպես նաև ապրիլի 24-ը հայտարարել որպես Հայոց եղեռնի զոհերի հիաշատակի օր:
1970-ական թվականների վերջերից ամեն անգամ ապրիլի 24-ին ԱՄՆ նախագահները հանդես են գալիս Ամերիկայի հայերին ուղղված հեռուստադիմումներով և Հայոց ցեղասպանությունն ընդունելու խոստումներով, բայց ամեն անգամ էլ դրժում են այն: Այս ավանդույթը շարունակվում է նաև այսօր Դոնալդ Թրամփի կողմից: Նման քաղաքականությունը բացատրվում է Թուրքիայի ազդեցությամբ, քանի որ Թուրքիան հանդիսանում է ՆԱՏՕ-ի կողմից ԱՄՆ-ի համար կարևորագույն դաշնակիցը: