Հայաստան Քաղաքականություն 

Բադասյանը պնդում է, որ Գագիկ Հարությունյանը կասկածելի հանգամանքներում է հրաժարական տվել, ինչից հետո արագ ընտրել են Թովմասյանին

Լրագրողների հետ զրույցում Արդարադատության նախարար Ռուստամ Բադասյանը, պատասխանելով հարցին՝ արդյո՞ք լեգիտիմության խնդիր տեսնում է ՍԴ-ի մասով, հայտարարել է, որ իրեն մտահոգում է այն ճանապարհը, որով ՍԴ գործող նախագահն ընտրվել է որպես ՍԴ նախագահ:

Ինչ վերաբերում է հարցին՝ ինչպե՞ս կարելի է մեկնաբանել այն, որ Ազգային ժողովը դիմում է ուղարկում ՍԴ, որը ոչ լեգիտիմ է համարվում, նախարարը նշել է, որ ՍԴ-ն պետք է գործի, կայացնի որոշումներ, իսկ ԱԺ-ն Սահմանադրությամբ իրեն վերապահված լիազորությունների շրջանակներում ուղարկել է դիմում, որով փորձ է արվել լուծել խնդիրը:

Բադասյանի խոսքերով, ամեն անգամ ՍԴ-ի լեգիտիմության մասին խոսելիս, պետք է պարզաբանել, թե ինչի մասին է խոսքը. «ՍԴ-ը գործող նախագահի ընտրվելու ճանապարհը բազմաթիվ հարցեր է առաջացնում: Իմ մեկնաբանությամբ ասել եմ, որ դա իրավունքի չարաշահման արդյունք է: Խոսքը պարոն Հարությունյանի հրաժարականի մասին է՝ պաշտոնավարման ժամկետի լրանալուց 22 օր առաջ: Դա եղել է կասկածելի հանգամանքներում: Դրանից հետո եղավ շտապ նշանակումը, որպեսզի ուժի մեջ չմտնի համապատասխան գլուխը, ինչից հետո Թովմասյանը ՍԴ նախագահ ընտրվելուց հետո կպաշտոնավարեր 6 տարով, իսկ ՍԴ դատավոր՝ 12 տարով»:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից