Թուրքիայի կողմից Սիրիայի հյուսիս-արևելքում իրականացվող «խաղաղության ակունք» ռազմական գործողության հետևանքով գրավված Ռաս ալ-Այն շրջանում հայտնաբերվել է թունել:
Թուրքական պետական լրատվական գործակալության փոխանցմամբ՝ քուրդ զինյալների կողմից փորված թունելով գաղտնուղի է տարվել մինչև Թուրքիայի սահման:
Նշվում է, որ թունելի մուտքը գտնվում է Ռաս ալ-Այնի կենտրոնին կից մի պահեստում: Այն մի քանի մուտք ունի, կան օդափոխման համար անցքեր և հանգստի համար նախատեսված անկյուններ:
Թունելի մուտքը 13 մ խորություն ունի, բարձրությունը 3 մետր է, իսկ լայնությունը 2.5 մ:
Աղբյուրի տեղեկացմամբ՝ Թուրքիայի հնարավոր ռազմական գործողություններին դիմակայելու և անսպասելի հարձակումներ իրականացնելու համար Սիրիայի քրդական «Ժողովրդական ինքնապաշտպանական ջոկատները» (YPG-ԺԻՋ) Մանբիչի, Քոբանիի, Թել Աբյադի, Ռաս ալ-Այնի, Սըրրինի, Կամըշլըի և Մալիքիյյեի շրջաններում երկար թունելային ցանց են փորել:
