Ռուսաստանը Հայաստանին բողոքի նոտա է հղելու կապված զենքի վաճառքի տենդերի տապալման հետ, որին մասնակցել է ORSIS ռուսական ընկերությունը: Բողոքի նոտան հղելու են ՀՀ Պաշտպանության նախարաար Դավիթ Տոնոյանի անունով, որին խնդրելու են կարգավորել իրավիճակը: Այս մասին Analitik.am-ը տեղեկանում է ՌԻԱ Նովոստին:
2019 թվականի օգոստոսին ORSIS-ը հայտնել էր, որ Հայաստանում մի քանի միլիոն դոլարի զենքի վաճառքի տենդերի տապալումից հետո քրեական գործ է հարուցվել՝ ծառայողական անփութության հոդվածով: Ավելի ուշ դա հաստատեց նաև հայկական կողմը:
Գործակալության աղբյուրի խոսքերով, բողոքի նոտան արդեն ՌԴ ԱԳՆ-ում է և շուտով ուղարկվելու է Հայաստան:
Նոտայում նշվում է, որ ORSIS-ի հայտն առանց հիմնավոր պատճառաբանության մերժվել է, իսկ ընկերությունն ընդգրկվել է ոչ բարեխիղճ ընկերությունների ցանկում:
Ռուսական ընկերությունը պահանջում է Դավիթ Տոնոյանից կարգավորել իրավիճակը:
