Անի Հովհաննիսյանն իր էջում գրում է.
«Այսօր Կենտրոնի դատարանի դիմաց հիշում էի այն օրերը, երբ այդ նույն դատարանի շենքում ընթանում էին իմ դեմ շինծու, պատվիրված քրեական գործով նիստերը: Այդ օրերին ես ինքս ինձ խոստացա, որ միշտ լինելու եմ բոլոր այն մարդկանց կողքին, ում ապօրինի կձերբակալեն և ազատությունից կզրկեն: Ես այսօր Արսեն Բաբայանի կողքին եմ, որովհետև տեսնում եմ, որ ակնհայտ քաղաքական պատվերի շրջանակներում է իրականացվում Արսեն Բաբայանի հետապնդումը:
Այս երևույթը նորություն չէ Հայաստանում, այդպիսի արատավոր և անընդունելի պրակտիկա եղել է նախկին բոլոր իշխանությունների օրոք: Սակայն, մի տարբերություն՝ եթե Սերժ Սարգսյանի օրոք որևէ մեկին կալանավորելու քաղաքական որոշում էր ընդունվում, ապա կոնկրետ մարդիկ լծվում էին քրեական գործը սարքելուն, մոնտաժով կեղծ ապացույցներ ստանալուն և այլն, ապա այսօր գործ սարքելու համար «անհրաժեշտ» այդ մինիմալն էլ չի արվում՝ անցանկալի մարդուն ուղղակի կալանավորում են: Փաստացի, ոչինչ չի փոխվել՝ ոնց կար անօրինական կալանքների պրակտիկան, նույն կերպ էլ մնացել է, նույնիսկ ավելի վատացել է»: