Հարավային Կարոլինա նահանգում Tesla մակնիշի ավտոմեքենայի վարորդն այրվել է այն բանից հետո, երբ փրկարարները չեն կարողացել բացել մեքենայի դռները, հայտնում է Washington Post-ը:
Օմար Ավանը կորցրել է մեքենայի կառավարումն ու բախվել ծառին։ Ինչպես հայտնել է մեղադրող կողմը, բախման հետևանքով բռնկվել է մարտկոցը և մեքենայի սրահը լցվել է ծխով։ Հավաքված մարդիկ չեն կարողացել օգնել՝ մեքենայի բռնակների բացակայության պատճառով։
Ենթադրվում է, որ Ավանը մահացել է ստացած այրվածքներից և շնչահեղձությունից։
Tesla-ի ներկայացուցիչները դեռ չեն մեկնաբանել դատական գործը:
