ՌԴ նախագահ Վլադիմիր Պուտինի մամուլի խոսնակ Դմիտրի Պեսկովը, անդրադառնալով ԱՄՆ նախագահ Դոնալդ Թրամփի՝ Սիրիայի հակամարտության գործում Ռուսաստանի ունեցած վաստակն իրենով անելու ցանկությանը, մեջբերել է ԱՄՆ 35-րդ նախագահ Ջոն Քեննեդիի խոսքերը. «Մենք գիտենք՝ պարտությունը միշտ որբ է, իսկ հաղթանակն ունի շատ հայրեր»: Նա նաև նշել է, որ ԱՄՆ-ին բնորոշ են հանկարծակի և երբեմն անսպասելի քաղաքական տատանումները, որոնք դժվար են ընկալվում Ռուսաստանի և նրա գործընկերների կողմից:
Ավելի վաղ՝ հոկտմբերի 22-ին, 6 ժամյա բանակցություններից հետո Թուրքիան և Ռուսաստանը պայմանավորվել էին Սիրիա-թուրքական սահմանին ռուսական զորքերի տեղակայման և Խաղաղության ակունք թուրքական ռազմաօպերացիայի դադարեցման մասին:
