ՌԴ նախագահ Վլադիմիր Պուտինը հեռախոսազրույց է ունեցել Ֆրանսիայի նախագահ Էմանյուել Մակրոնի հետ։ Այս մասին հաղորդվում է Կրեմլի կայքում։
Զրույցի ընթացքում պետության ղեկավարը Մակրոնին պատմել է հոկտեմբերի 22-ին Սոչիում տեղի ունեցած ռուս-թուրքական բանակցությունների բովանդակության մասին։
«Ընդգծվում է, որ այս հանդիպմանը փոխըմբռնման հուշագրում արձանագրված որոշումները հաշվի են առնում բոլոր կողմերի շահերը և նպաստում են Սիրիայի ինքնիշխանության և տարածքային ամբողջականության վերականգնմանը»,-ասվում է հայտարարության մեջ։
Ֆրանսիայի ղեկավարն իր հերթին դրական է գնահատել Մոսկվայի և Անկարայի միջև համաձայնագիրը:
Կողմերը կարծիք են հայտնել, որ Սոչիում կնքված հուշագիրը կօգնի լուծել Սիրիայում տիրող ճգնաժամը:
Բացի այդ, Պուտինը Մակրոնի հետ կիսվել է Ռուսաստան-Աֆրիկա գագաթնաժողովի արդյունքներով։
Մոսկվան և Փարիզը հույս են հայտնել, որ Սահմանադրական հանձնաժողովի առաջին հանդիպումը, որը նախատեսված է հոկտեմբերի 30-ին, կլինի կառուցողական և արդյունքներ կտա։
