Անկարան Սիրիայում քրդական ուժերի դեմ կսկսի նոր օպերացիա, եթե նրանք մնան 30 կմ հեռավորության վրա գտնվող անվտանգության գոտում, որը համաձայնեցված է Ռուսաստանի Դաշնության հետ։ Այս մասին հայտարարել է Թուրքիայի նախագահ Ռեջեփ Թայիփ Էրդողանը։
«Մենք պայմանավորվել ենք Ռուսաստանի հետ, բայց եթե 150 ժամ հետո ահաբեկիչները մնան համաձայնեցված գոտում, մենք կշարունակենք անել այն, ինչը պետք է։ Մենք վերահսկողության տակ կվերցնենք գոտին և կմաքրենք այն։ Ահաբեկիչների հետ բանակցությունների սեղանի շուրջ չենք նստի»,-ասել է Էրդողանը։
