Ես այսօր տեսա, որ Վանաձորի օրվա կապակցությամբ այլ քաղաքներից բազմաթիվ մարդիկ են եկել շնորհավորելու, ինչը լավ ավանդույթի սկիզբ է: Մենք սիրում ենք մեր թաղը, մեր ծննդավայրը, քաղաքը, բայց մենք մեր տեղական սիրո սահմանները պետք է ընդլայնենք: Այսօր՝ հոկտեմբերի 26-ին, շնորհավորելով Վանաձորի տոնը, հայտարարեց ՀՀ վարչապետ Նիկոլ Փաշինյանը:
«Երևանցին նույնքան պետք է սիրի Վանաձորը, որքան՝ վանաձորցին՝ Գյումրին, գյումրեցին՝ Կապանը, կապանցին՝ Եղեգնաձորը, եղեգնաձորցին՝ Արարատը, արարատցին՝ Արմավիրը, արմավիրցին՝ Աշտարակը, աշտարակցին՝ Իջևանը, իջևանցին՝ Բերդը, բերդցին՝ Նոյեմբերյանը, նոյեմբերյանցին՝ Ալավերդին և այդպես շարունակ: Մենք չունենք քուչա առ քուչա, փողոց առ փողոց կիսելու հայրենիք: Մենք ունենք մեկ միասնական հայրենիք: Վանաձորը ոչ միայն վանաձորցիների, այլ նաև Հայաստանի, Արցախի յուրաքանչյուր քաղաքացու, հայի հայրենի քաղաքն է: Մենք բոլորս սիրում ենք Վանաձորը»,-ասաց Փաշինյանը:
Կառավարության ղեկավարն առաջարկեց ավանդույթը շարունակել և ամեն քաղաքի տոնին ամբողջ հանրապետությունով հավաքվել այդ քաղաքում՝ շնորհավորելու տարեդարձը. «Դբա լավ, ժողովուրդ ջան, դբա լավը»:
