«Դավադիր գործողություններ եղել են հակառակորդի կողմից, բայց դավադրություն հայաստանյան կողմից ես բացառում եմ»:
Այսօր Եռաբլուրում այս մասին հայտարարել է ՀՀ պաշտպանության նախարար Դավիթ Տոնոյանը՝ անդրադառնալով ապրիլյան պատերազմի հանձնաժողովի աշխատանքների հետ կապված հարցերին:
Նա նաև նշել է, որ ապրիլյան պատերազմի հանձնաժողովի հետ համագործակցությունը շատ սերտ է. «Բոլոր անհրաժեշտ փաստաթղթերը տրամադրվում են, մեր զինծառայողները և պաշտպանության նախարարության ներկայացուցիչները ներկա են, ամեն ինչ նորմալ է: Եթե հրավիրվեմ, անձամբ ես էլ կհանդիպեմ հանձնաժողովի անդամների հետ: Ես շահագրգռված եմ, որ ասեկոսեները ավարտվեն»:
Դավիթ Տոնոյանը նաև ասել է, որ Արցախի հարցը լուծված է, իսկ այս պահին սահմանին իրավիճակը վերահսկելի է . «Համեմատաբար անդորր է, կան կրակոցներ, որոնք հիմնականում կապված են ինժեներական աշխատանքների հետ»:
