Սանկտ Պետերբուրգի Պուլկովո օդանավակայանում միկրոավտոբուսը բախվել է մասնավոր ինքնաթիռի: Այս մասին հայտնի է դարձել Ռուսաստանի քննչական կոմիտեի տրանսպորտի տարածաշրջանային հետաքննության բաժնի կայքից:
Դեպքը տեղի է ունեցել անցած կիրակի՝ հոկտեմբերի 27-ին, սակայն այդ մասին հայտնի է դարձել միայն այսօր:
Լենինգրադի քննչական բաժնի հաղորդագրության համաձայն՝ ծառայողական մեքենան բախվել է ինքնաթիռի կողային հատվածին: Տուժածների մասին որևէ տեղեկություն չկա:
Ներկայումս քննիչները նախաքննություն են անցկացնում երթևեկության անվտանգության կանոնների խախտման և օդային տրանսպորտի շահագործման վերաբերյալ:
