Թայլանդում գտել են հայտնի միլիոնատիրոջ բետոնապատված դին

Թայլանդական Չիանգ Մայ քաղաքում գտնվող տներից մեկի սառնարանում հայտնաբերվել է բետոնապատված միլիոնատիրոջ դի։ Այս մասին հայտնում է Լենտան՝ հղում անելով Mirror-ին։

Զոհը 58-ամյա հայտնի բարերար Վոննի Ջիրախարոենինգն է, ով անհետացել էր հոկտեմբերի 18-ին:

Հոկտեմբերի 27-ին ոստիկանությունը հանգուցյալի դին հայտնաբերել է սառնարանում։ Պարզվել է, որ միլիոնատիրոջ հաշվից հանվել է խոշոր չափի գումար, նաև անհետացել է վերջինիս մեքենան և բանկային քարտերը։