Այսօր լրագրողների հետ զրույցում ԱԺ պատգամավոր Նիկոլ Փաշինյանն առանձին կետերով ներկայացրեց այն հանգամանքները, որոնք հիմք հանդիսացան իր նախաձեռնության մշակման համար: Պատգամավորը նախաձեռնել էր Սերժ Սարգսյանի պաշտոնանկության գործընթացն ԱԺ-ում սկսելու որոշման նախագիծ: Նա նշեց, որ մամուլում տարբեր վարկածներ առաջ քաշվեցին, թե ինչու է ինքըն այդ նախագիծը դրել շրջանառության մեջ, եւ ահա ինքը տալիս է պարզաբանումներ:
«Վերջին տարիներին քաղաքական խմորումները ներքաղաքական կյանքում առաջացրել են բազմաթիվ անորոշություններ: Սույն նախագծով «Քաղաքացիական պայմանագիր» միավորումը հիշեցնում է քաղաքական դաշտում հաստատված աղետալի, առանցքային պատասխանատուների եւ նրանց գործունեության քրեաիրավական բնույթի մասին: Երկրորդ` նախագծում հիմնականում արծարծված են հարցեր, որոնց անդրադարձել եմ խորհրդարանական գործունեության ընթացքում: Սա արձանագրում է, որ խորհրդարանի ամբիոնից բարձրացված հարցերի լուծման գործում լինելու եմ հետեւողական, պատգամավորական լիազորություններս լիարժեք օգտագործելու եմ` արծարծված հարցերը հանրային, քաղաքական օրակարգում պահելու եւ դրանց լուծմանը հասնելու համար:
Երրորդ` ԱԺ պատգամավոր եմ ընտրվել ՀԱԿ դաշինքի, խնդրում եմ չշփոթել համանուն կուսակցության հետ, համամասնական ցուցակով, որի նախընտրական ծրագրի առանցքային դրույթներից մեկը Սերժ Սարգսյանի պաշտոնանկության հարցի հարուցումն է: Վերջին երկու-երեք տարիների ընթացքում, իմպիչմենտի հարուցման հետ կապված, հանդես եմ եկել մի քանի անգամ: Այդ առաջարկով հանդես եմ եկել նաեւ հրապարակային, մասնավորապես` այս տարվա մարտի 29-ին` «Սիվիլնեթ»-ով: Տեսնելով, որ այլ ձեւով ինպիչմենտ հնարավոր չէր հարուցել, սույն նախագծով վերահաստատում եմ իմ նվիրվածությունն ընտրողների առաջ»,- հայտարարեց Փաշինյանը: Նա հավելեց, որ պատրաստ է միանալ ՀՀ նախագահի պաշտոնը զբաղեցնող Ս.Սարգսյանին պաշտոնանկ անելու
