Պակիստանում առնվազն 62 մարդ է մահացել, ավելի քան 10-ը վիրավորվել Tezgam գնացքում հրդեհի արդյունքում: Այս մասին հայտնում է Geo TV-ն՝ հղում անելով տեղի իշխանություններին:
Կրակը բռնկվել ու շատ արագ տարածվել է այն բանից հետո, երբ գնացքի առաջին վագոնում պայթել է ուղևորներից մեկի գազի բալոնը: Կրակի արագ տարածմանը նպաստել է այն, որ հարևանությամբ սնունդ պատրաստելու համար նախատեսված յուղ է եղել:
Արդյունքում ամբողջությամբ այրվել են գնացքի վագոններից երեքը:
Միջադեպի պահին գնացքում եղել է ավելի քան 200 մարդ:
