Նոյեմբերի 1-ին Նիկոլ Փաշինյանը Երևանում ներկա գտնվեց հագուստի արտադրության նոր ֆաբրիկաների բացման արարողությանը: Մեկ մասնաշենքում գործունեություն են ծավալելու «Ալեքս տեքստիլ», «Սարտեքս» «Ասա Գարմենտ» ապրանքանիշերի կարի ֆաբրիկաները: Վարչապետը շրջայց կատարեց արտադրամասերում՝ ծանոթանալով արտադրական գործունեությանն ու տեսականուն:
Ֆաբրիկաների բացմանը մասնակցում էր նաև գործարար Սամվել Ալեքսանյանը, ով ոչ մեկ անգամ է հայտնվել պատգամավոր Նիկոլ Փաշինյանի խիստ քննադատությունների թիրախում: Միջոցառումից հետո Փաշինյանի ու Ալեքսանյանի լուսանկարը դարձել է սոցկայքի հիմնական քննարկման առարկան:
