ԱՄՆ Յուտա նահանգի Քրիքսայդ քաղաքի դպրոցներից մեկի տնօրենն ու ուսուցիչներից մեկն ազատվել են աշխատանքից այն բանից հետո, երբ աշակերտներից մեկը Հելուինին դպրոց է գնացել Ադոլֆ Հիտլերի կերպարով: Այս մասին հայտնում է Deseret News-ը:
Սկանդալը բարձրացրել է այն բանից հետո, երբ համացանցում հայտնվել են լուսանկարները, թե ինչպես է փոքրիկը նացիստական ողջույնով դիմում մյուս երեխաներին:
Յուտայի հրեաները դատապարտել են տեղի ունեցածը՝ խնդրելով դպրոցին ու ծնողներին այսուհետ խուսափել նման կերպարներից:
Սկսված ստուգումների ընթացքում դպրոցի տնօրենը ժամանակավորապես հեռացվել է:
