Չինաստանի Ցզանյսու նահանգի Յանչենգ քաղաքում գտնվող ուսումնական կենտրոնում դասավանդվում է «Քվանտային արագ ընթերցման» տեխնիկա: Միջազգային հանրությունն այս մասին իմացել է այն բանից հետո, երբ վերջերս համացանցում հայտնվել է մի տեսանյութ, որում երեխաները գրքերը «կարդում են» այս տեխնիկայի օգնությամբ: Այս մասին հայտնում է Life-ը։
Պեկինի «Սինչժիտուն Ցիգուան» կրթական տեխնոլոգիաների ուսումնական կենտրոնի պաշտոնական ներկայացուցիչները հերքում են քվանտային ընթերցանության տեխնիկայի հետ ցանկացած կապը։
Weibo կայքում տեղադրված գովազդային պաստառները վկայում են այն մասին, որ դասընթացը նախատեսված է 10-16 տարեկան երեխաների համար։ Կազմակերպիչները խոստացել են, որ աշակերտները կկարողանան մի քանի րոպեում կարդալ 100 000 հազար բառ և նույնիսկ հիշել դրանք։
