Օմսկում ՌԴ նախագահ Վլադիմիր Պուտինը Ղազախստանի առաջնորդ Կասիմ-Ժոմարտ Տոկաևի հետ շրջել է «Aurus» մակնիշի ավտոմեքենայով: Երկու երկրների ղեկավարները միասին նստել են ռուսական նոր լիմուզինը՝ Էրմիտաժ-Սիբիր թանգարան այցելելուց հետո։ Համապատասխան տեսանյութը հրապարակել է Լայֆը։
Պուտինն ու Տոկաևն Օմսկ են ժամանել երեկ՝ նոյեմբերի 7-ին, Ռուսաստանի և Ղազախստանի միջտարածաշրջանային համագործակցության 16-րդ ֆորումին մասնակցելու համար:
Միջոցառումից առաջ նրանք քննարկել են Մոսկվայի և Նուր-Սուլթանի միջև գործընկերությունը, առևտրաշրջանառությունը և ներդրումների հետ կապված հարցերը: