Մոտ մեկ ժամ առաջ ԱԳՆ մասնաշենք ժամանած ՀՀ վարչապետ Նիկոլ Փաշինյանը, ինչպես «Արայիկ, հեռացիր» վանկարկումների ներքո եկել էր, այնպես էլ նույն վանկարկումների ներքո հեռացավ ԱԳՆ-ից, որտեղ մասնակցեց երիտասարդ դիվանագետների երդման արարողությանը և դիվանագիտական դպրոցի ստեղծման տասնամյակին նվիրված միջոցառմանը:
Կառավարության շենքի մոտ ՀՀ վարչապետին փորձեց մոտենալ մի կին, ում թույլ չտվեցին դա անել:
Ամեն դեպքում քաղաքացին կարողացավ հայտարարել, որ Ռոբերտ Քոչարյանի կալանավորումն ուրախացնում է Թուրքիային և Հայաստանի ոխերիմ դարավոր թշնամիներին. «Մտածեք այդ մասին»:
Մինչ կառավարության շենք մտնելը, Փաշինյանը լսեց ևս մի քանի քաղաքացու, հետո նրան մոտեցավ ԱԺ փոխխոսնակ Ալեն Սիմոնյանը, ձեռքով բերանը փակելով ինչ-որ բան ասաց ու հեռացավ: