ՀՀ Կրթության, գիտության, մշակույթի և սպորտի նախարարությունը փոփոխություն է նախատեսել «Բարձրագույն կրթության և գիտության մասին» օրենքում, ինչի արդյունքում բուհերում Հայոց լեզվի և Հայոց պատմության դասավանդումն այլևս պարտադիր չի լինելու:
Նախագծի վերոնշյալ դրույթը թեժ քննարկումների առիթ է դարձել: Ընթացիկ շաբաթվա ընթացքում նույնիսկ ակցիաներ ու նստացույցեր եղան փոփոխության դեմ ու նախարար Արայիկ Հարությունյանի հրաժարականի պահանջով: Ակցիաները հանգստյան օրերին դադարել են, սակայն մյուս շաբաթվա մեկնարկին զուգահեռ պետք է շարունակվեն:
Analitik.am-ը քաղաքացիների շրջանում հարցում է անցկացրել՝ հասկանալու համար, թե ինչ կարծիք ունեն վերջիններս սպասվելիք փոփոխությունների մասին:
Լրագրող` Օֆելի Իսրայելյան
Օպերատոր` Անի Մանուկյան