Ամերիկյան Air Co մասնավոր կազմակերպության մասնագետները օղու պատրաստման բացառիկ տեխնոլոգիա են մշակել՝ օղի ստանալով միայն օդից և ջրից:
Փորձագիտական հետազոտությունների շնորհիվ գիտնականները պարզել են, որ էլեկտրականությունը կարող է օդի բաղադրիչ հանդիսացող ածխածինը վերածել էթանոլի, որից հետո ածխածնի ատոմների, թթվածնի և ջրածնի միացումից ալկոհոլ է ստացվում:
Օդից օղի ստանալը բավականին հեշտ է և մատչելի: Ջրային հատուկ սարքը տեղավորվում է ոչ մեծ սենյակում և աշխատում էլեկտրականությամբ, ինչպես նաև արևի էներգիայով:
CNBC-ի լրագրողը փորձել է նորագյուտ օղուց և նշել, որ այն գրեթե չի տարբերվում սովորական օղուց: Այն արդեն օնլայն վաճառքի է հանվել՝ մեկ շիշը 65 դոլարով:
