Այսօր վաղ առավոտից ԵՊՀ բանասիրական ֆակուլտետում դասադուլ սկսած ուսանողները քիչ առաջ ԿԳՄՍ նախարարության մոտ միացան ՀՅԴ երիտասարդներին, ովքեր այսօր վերսկսել են նստացույցը՝ պահանջելով նախարար Արայիկ Հարությունյանի հրաժարականը:
Ակցիայի մասնակիցները հայտարարեցին, որ շարունակելու են պայքարը, քանի դեռ Արայիկ Հարությունյանը հրաժարական չի տվել: Նրանց խոսքերով, իրենց պետք չէ նախարար, ով ֆինանսավորում է սեռափոխված մարդու մասին ֆիլմ, ով ֆինանսավորում է Մետրոյի Հանրապետության հրապարակի մոտ կայացած ներկայացման նման միջոցառումներ:
Ոուսանողների և ՀՅԴ երիտասարդների պնդմամբ, իրենց պայքարն առաջադեմի ու ազգայինի պայքար է, չկա քաղաքական ենթատեքստ ու չկա որևէ քաղաքական ուժ, որը կանգնած է պայքարի թիկունքում: