Հնդկաստանի Ուտտարախանդ նահանգում ընձառյուծը սպանել է վեց տարեկան երեխային: Այս մասին հայտնում է Հնդկաստանի The Times-ը:
Ընձառյուծը հարձակվել է տղայի վրա, երբ նա խաղալիս է եղել Բիրգոլի գյուղում գտնվող իր տան մոտ: Նրան փորձել են փրկել ընկերներն ու համագյուղացիները, սակայն չեն կարողացել, երեխան մահացել է:
Տեղի բնակիչները կարծում են, որ իշխանությունները մեղավոր են կատարվածի համար․ «Ընձառյուծի պատճառով մենք ապրում ենք մշտական վախի մեջ»,-ասել է Պուշկար Սինգհ Խատին՝ հավելելով, որ գիշատիչները հարձակվում են երեխաների և անասունների վրա, բայց դա որևէ մեկին չի հետաքրքրում:
«Մենք պահանջում ենք, որ այս ընձառյուծին մարդակեր հայտարարեն և անմիջապես սպանեն: Եթե անտառային վարչությունը չի կարող դա անել, թող հրաման տա գյուղացիներին»,-ասել է նա:
