ԱՄՆ այցով գտնվող Թուրքիայի նախագահ Ռեջեփ Թայիփ Էրդողանը կրկին խոսել է ԱՄՆ Կոնգրեսի ներկայացուցիչների պալատի կողմից Հայոց ցեղասպանությունը ճանաչող բանաձևի ընդունման մասին:
«104 տարի առաջ տեղի ունեցածի մասին պետք է դատողություններ անեն պատմաբանները, ոչ թե՝ քաղաքական գործիչները»,-հայտարարել է Էրդողանն ԱՄՆ նախագահ Դոնալդ Թրամփի հետ համատեղ մամուլի ասուլիսի ժամանակ:
Թուրքիայի նախագահը հավելել է, որ հոկտեմբերի 29-ին ներկայացուցիչների պալատում ընդունված երկու «հակաթուրքական բանաձևերը» ստվեր են գցում թուրք-ամերիկյան հարաբերությունների վրա և տհաճ են թուրք ժողովրդին:
