Խորհրդարանի նիստերի դահլիճում տեղի ունեցած խոսակցությունը դուրս չի եկել դահլիճից: Այս մասին հայտարարել է ԲՀԿ-ական պատգամավոր Գևորգ Պետրոսյանը՝ խոսելով երկու օր առաջ տեղի ունեցած հայտնի բանավեճի մասին:
«Ես պատրաստ եմ լսել, եթե ինչ-որ մեկը ցանկանում է հարց տալ ինձ, թող մոտենա ու տա: Որևէ բան չի եղել; Ես իմքայլականների շարքերում ունեմ շատ հարգելի, ավանդապաշտ մարդիկ: Խնդրում եմ սա չվերածել քաղաքական վեճի: Իմքայլականների մեջ կան շատ կարգին, արժանապատիվ մարդիկ, կարգին տղերք, որ կիսում են իմ ասած»,-ասել է Պետրոսյանը:
Ինչ վերաբերում է իրեն ձայնից զրկելուց հեռանկարին՝ ԲՀԿ-ական պատգամավորը հորդորել է ԱԺ նախագահին լավ ուսումնասիրել ԱԺ կանոնակարգ սահմանադրական օրենքը և հարցում չանել. «Երբ այդ նորմը կգտնի, ես նրան կասեմ»:
Իսկ ինչ վերաբերում է Գագիկ Ծառուկյանի հետ ունեցած խոսակցությանը, Պետրոսյանը նշել է, որ վերջինս իր քաղաքական թիմի ղեկավարն է, ավագ ընկերը, մեծ ախպերը. «Մեր մեջ ոչ մի խոսակցություն չէր կարող լինել»:
