Արմեն Ջիգարխանյանի ընկերը՝ Արթուր Սողոմոնյանը, հայտնել է, որ դերասանը պրոֆիլակտիկ հետազոտություն է անցնում հիվանդանոցում և շուտով տանը կլինի։
Նա ժխտել է տարածված այն լուրը, թե Ջիգարխանյանին հոսպիտալացրել են քրոնիկ հիվանդությունների սրման հետևանքով և տեղափոխել վերակենդանացման բաժանմունք ծանր վիճակում։
«Արմեն Բորիսովիչը վերակենդանացման բաժանմունքում չէ։ Նա ամեն երկու-երեք ամիսը մեկ հետազոտվում է։ Ձմեռը մոտենում է, որոշել ենք ամեն դեպքում հետազոտվել։ Երկու-երեք օրից տանը կլինի»,- պատմել է Սողոմոնյանը։
