Կուբանում հրաժեշտ են տվել Սանկտ Պետերբուրգի պետական համալսարանի ուսանողուհի Անաստասիա Եշչենկոյին, ով սպանվել և մասնատվել է նույն համալսարանի դասախոս Օլեգ Սոկոլովի կողմից։ Հրաժեշտի արարողությունը տեղի է ունեցել Ստարովելիչկովսկիում, որտեղ ծնվել և մեծացել է աղջիկը։
Նշվում է, որ արարողությունից առաջ տեղանքում ստուգումներ են անցկացրել մասնագետները, այդ թվում՝ կինոլոգների հետ աշխատող շները։
Այսօր՝ նոյեմբերի 16-ին, ուսանողուհու դին փակ դագաղով հանձնվել է Տրոիցկու եկեղեցի, որտեղ առավոտյան սկսվել է հրաժեշտի արարողությունը։ Ներկա են եղել տեղի բնակիչները և նրա հարազատները։
Հիշեցնենք, որ Անաստասիա Եշչենկոն սպանվել է Սանկտ Պետերբուրգի պետական համալսարանի դասախոս Օլեգ Սոկոլովի կողմից, ում հետ վերջինս սիրային հարաբերություններ է ունեցել։
