Սիրիայի հյուսիսում ականապատ ավտոմեքենայի պայթյունի արդյունքում առնվազն 10 մարդ է զոհվել: Այս մասին հայտնում է Ինտերֆաքս գործակալությունը՝ հղում անելով Անադոլուին:
Վիրավորների թիվը հասնում է 30-ի:
Ահաբեկչությունը տեղի է ունեցել Էլ Բաբ քաղաքի ավտոկայանում: Պայթյունի արդյունքում վնասվել են հարևանությամբ գտնվող շինությունն ու տրանսպորտային միջոցները:
Դեռ որևէ խմբավորում չի ստանձնել ահաբեկչության պատասխանատվությունը: