Եվրամիության տարածքում կրճատվում է բանկերի քանակը

 

Եվրամիությունում և եվրոգոտու տարածքում 2013-ին կրճատվել է բանկերի ու վարկային կազմակերպությունների քանակը:

 

Ինչպես հայտնում է Газета.Ru-ն` France-Presse գործակալությանը հղումով, Եվրոպական կենտրոնական բանկի տվյալների համաձայն` Եվրամիության երկրներում բանկերի ու վարկային կազմակերպությունների թիվը նվազել է` 2013-ին հասնելով 198 744-ի` 2012-ի 217 699-ի համեմատ: Ինչ վերաբերում է եվրոգոտուն` այնտեղ բանկերի թիվը 171 792-ից հասել է 163 171-ի:

Եվրոպական կենտրոնական բանկից ընդգծում են, որ այդ տվյալները հաստատում են Եվրոպայում վարկային կազմակերպությունների քանակի նվազման արդեն ձևավորված միտումը: