Կոսովոյի խորհրդարանական ընտրություններում առաջատարն է Կոսովոյի իշխող Դեմոկրատական կուսակցությունը, հայտարարել է Կոսովոյի վարչապետ Հաշիմ Տաչին, փոխանցում է Agence France-Presse-ը:
Հաշիմ Տաչիի կուսակցությունն առաջատարն է ձայների 30%-ով` ԿԸՀ-ի կողմից քվեաթերթիկների 15%-ի հաշվարկից հետո:
Երկրորդ տեղում է (24%) Կոսովոյի ընդդիմադիր Դեմոկրատական միությունը, որը գլխավորում է Պրիշտինայի նախկին քաղաքապետ Իսա Մուսթաֆան:
Ավելի վաղ հաղորդվել էր, որ Կոսովոյի խորհրդարանական ընտրություններն ընթանում են առանց լուրջ խախտումների:
