Չինական Ֆուցզյան նահանգի բնակիչը վաճառել է իր երեխային, իսկ գումարը ծախսել վիդեոխաղերի օնլայն հարթակում: Այս մասին հայտնում է Daily Mail-ը:
Տղամարդը պնդել է, որ կնոջ անհետացումից հետո ստիպված է եղել միայնակ մեծացնել որդուն և դստերը: Նա բավարար գումար չի ունեցել, դրա համար որոշել է ազատվել երեխաներից մեկից:
Տարեսկզբին նրա հետ կապ են հաստատել ամուսինները, ովքեր երազել են երեխա որդեգրելու մասին: Փետրվարին նրանք հանդիպել են տղամարդու հետ և վճարել 80 հազար յուան: Դրանից հետո տղամարդը ստորագրել է որդեգրման վերաբերյալ պայմանագիրը:
Մայիսին երեխային որդեգրած ամուսինները փորձել են փաստաթղթեր կազմել և պետական հաստատությանը տրամադրել են կեղծ ծննդյան վկայական: Արդյունքում իրավապահները պարզել են գործարքի մանրամասները։
Ինչպես պարզվել է, երեխայի հայրը ստացած գումարը ծախսել է չինական հայտնի Kuaishou վիդեո հարթակում:
Նրան մեղադրանք է առաջադրվել, իսկ ամուսինները, ովքեր գնել են երեխային նույնպես պատասխանատվության կենթարկվեն, հայտնում է AsiaOne-ն: