Հայաստանում ԱՄՆ դեսպան Լինն Թրեյսին ոչ մի խնդիր չի տեսնում Հայաստանի և հայ ձեռներեցների Իրանի հետ համագործակցելու հարցում:
Նա նշել է, որ Վաշինգտոնում շատ լավ գիտակցում են Հայաստանի համար Իրանի կարևորությունը:
«Մենք հստակ գիտակցում ենք Հայաստանի համար Իրանի կարևորությունը: Իրանը Հայաստանի 2 բաց սահմաններից մեկն է հանդիսանում: Մենք նաև ըմբռնումով ենք մոտենում Հայաստանի և Իրանի միջև գազ-էլեկտրաէներգիա փոխանակման ծրագրին», -հայտարարել է դեսպանը CivilNet-ին տված հարցազրույցում:
