Ընդդիմությունը կշարունակի ցույցեր կազմակերպել Թբիլիսիում այնքան ժամանակ, մինչև արտահերթ ընտրություններ անցկացնելու իրենց պահանջը չբավարարվի: Այս մասին հայտարարել է Քաղաքացիական շարժում կուսակցության առաջնորդ Ալեքո Էլիսաշվիլին:
«Հիմա՝ ցույցը ցրելուց հետո, ես ավելի մեծ ուժ եմ զգում», - ասել է Էլիսաշվիլին լրագրողների հետ զրույցում:
Ավելի վաղ «Եվրոպական Վրաստան. ազատության համար շարժում» կուսակցության առաջնորդ Ելենա Խոշտարիան ևս հայտարարել էր ցույցերին մասնակցելու մասին:
Ընդդիմության կողմից կազմակերպած ցույցը ցրելու հետևանքով հոսպիտալացվել է 3 մարդ, որից մեկը՝ ոստիկան, որը վնասվածք է ստացել գլխի շրջանում: Բուժօգնության ստանալու համար դիմել են նաև 9 ցուցարար: