Բեռլինի Schlosspark-Klinik կլինիկայում դասախոսության ժամանակ Գերմանիայի նախկին նախագահ Ռիխարդ ֆոն Վայնցզեքքերի որդին՝ Ֆրիցը, մահացու դանակի հարված է ստացել: Այս մասին հայտնում է RBB-ն:
Պարբերականի տեղեկություններով, սպանությունը տեղի է ունեցել նոյեմբերի 19-ին: Չնայած բժիշկների բոլոր ջանքերին, նախկին նախագահի որդու կյանքը փրկել չի հաջողվել:
Der Tagesspiegel-ը հայտնում է, որ դասախոսության մասնակիցներին հաջողվել է բռնել մարդասպանին, ով հասցրել է դանակահարել ևս մի քանիսին:
Ոստիկանությունից հաստատել են, որ կասկածյալը ձերբակալված է: Այլ մանրամասներ չեն հայտնվում: