Օրեր առաջ Հայաստան վերադարձած սիրված դերասան Արտյոմ Կարապետյանը, երեկ ֆեյսբուքյան իր էջում տեսանյութ հրապարակեց՝ հայտնելով երթուղայինի վարորդի հետ վիճաբանության մասին՝ տեղեկացնելով, որ ցանկացել են դանակով կտրել իր պարանոցը:
Արդեն այսօր հայտնի է դարձել, որ ոստիկանությունը դերասանի հրապարակման հիման վրա ոստիկանության Մաշտոցի բաժնում նյութեր է նախապատրաստում։
Երևանի քաղաքապետի խոսնակ Հակոբ Կարապետյանն Analitik.am-ի հետ զրույցում հայտնեց, որ հարցով ոստիկանությունն է զբաղվում, և եթե պարզվի, որ խոսքը վերաբերում է ներքաղաքային երթուղային ցանցի տրանսպորտի վարորդին, ապա վերջինս չի կարող շարունակել իր գործունեությունը:
Պարոն Կարապետյանը նաև ուշադրություն հրավիրեց այն փաստի վրա, որ դերասանը չի խոսում այն մասին, թե միջադեպը տեղի է ունեցել հենց ներքաղաքային ցանցը սպասարկող երթուղայինի վարորդի հետ:
