Երեկ Միլանում հայ համայնքի հետ հանդիպման ժամանակ ՀՀ վարչապետ Նիկոլ Փաշինյանը ստիպված եղավ պատասխանել նաև մի ադրբեջանցու հարցերին, ով ներկայացավ որպես բլոգեր: Վերջինս «անսպասելիորեն» պահանջեց Նիկոլ Փաշինյանից «վերադարձնել իրենց հողերը» և իրենց ահաբեկիչներին, ովքեր անազատության մեջ են գտնվում Արցախում:
Տեղի ունեցած միջադեպը մի սոցկայքում տարբեր քննարկումներ առիթ է տվել, եթե ոմանք հարց են բարձրացնում, թե ինչպես է ադրբեջանցին կարողացել մտնել եկեղեցու տարածք, ինչու չեն վարչապետի անվտանգության աշխատակիցները համապատախսան քայլեր ձեռնարկել՝ կանխելով դա, կան նաև օգտատերեր, ովքեր տեղի ունեցածն ուղղակի ներկայացում են համարում:
Նշենք միայն՝ ավելի ուշ պարզվեց, որ բլոգեր ներկայացած ադրբեջանցին իր հայրենիքում ցույց ցրող ոստիկան է և լուսանկար ունի անգամ Իլհամ Ալիևի հետ:
«Բա որ մյուս անգամ ադրբեջանցի բլոգերի փոխարեն տեռորիստ մտնի հայերի հավաքին, որտեղ պետության ղեկավարները կլինեն»,-գրել է Զոհրապ Եգանյանն իր էջում:
