ՌԴ նախագահ Վլադիմիր Պուտինը շնորհակալություն է հայտնել հայտնի А321 ինքնաթիռի հրամանատարին, ով կարողացել է արտակարգ վայրէջք կատարել եգիպտացորենի դաշտում։ Այս մասին հայտնում է Լայֆը։
«Շնորհակալ եմ ձեզ ինքնաթիռի հմուտ կառավարման համար: Եթե բոլորը կարողանային երկիրը կառավարել այնպես, ինչպես դուք ինքնաթիռը՝ լավ կլիներ»,-կատակել է պետության ղեկավարը:
Հիշեցնենք, որ օգոստոս ամսին A321 ինքնաթիռը, որը Ժուկովսկից թռչել է Սիմֆերոպոլ, շարժիչի խափանման պատճառով արտակարգ վայրէջք է կատարել եգիպտացորենի դաշտում։ Օդաչուի և անձնակազմի շնորհիվ փրկվել է 226 ուղևոր։