Ղազախստանի նախագահ Քասիմ-Ջոմարտ Տոկաևը կարգադրել է պաշտոնանկ անել Թարազա քաղաքի ղեկավարին: Ինչպես հայտնում են տեղի լրատվամիջոցները, դա տեղի է ունեցել այն բանից հետո, երբ քաղաքի դպրոցներից մեկում աշակերտուհու բռնաբարության դեպք է գրանցվել:
Նախագահի խոսքերով, միջադեպը, որի արդյունքում 12-ամյա աշակերտուհի է տուժել, տեղի է ունեցել ղեկավարության համակարգային անփույթ աշխատանքի պատճառով:
Հավելենք, որ երեխան հարձակման է ենթարկվել դպրոցի տարածքում գտնվող զուգարանում: Կասկածյալը ձերբակալվել է: Նա 19 տարի առաջ ևս բռնաբարության համար ազատազրկման է դատապարտվել:
