Սուխումիում հրաձգության արդյունքում օրենքով գող է սպանվել, վիրավորների թիվը հասնում է 4-ի: Այս մասին հայտնում է Ինտերֆաքս գործակալությունը՝ հղում անելով Աբխազիայի ոստիկանությանը:
Հայտնվում է, որ քրեական հեղինակությունը «Սան Ռեմո» ռեստորանում է եղել, երբ մոտեցած ավտոմեքենայից դուրս է եկել երեք դիմակավորված անձինք և կրակ բացել նրա վրա:
Արդյունքում վիրավորվել են ռեստորանի մատուցողներից մեկը և երեք այցելու, ովքեր հոսպիտալացվել են:
Հանցագործներն արդեն ձերբակալված են:
Գործակալությունը հայտնում է, որ սպանվածը օրենքով գող 38-ամյա Աստամուր Շամբան է: