ՌԴ առաջին նախագահ Բորիս Ելցինը Վլադիմիր Պուտինին դարձրեց իր իրավահաջորդը, քանի որ նա այլ սերնդի մարդ է։ Այս մասին Վլադիմիր Պոզների հետ հարցազրույցի ժամանակ հայտարարել է Պուտինի գործող և Ելցինի նախկին խորհրդական Վալենտին Յումաշևը, փոխանցում է Լենտան։
«Ելցինը համարում էր, որ այն մարդիկ, ովքեր 1991 թվականին եղել են 45-50 տարեկան, պետք է հեռանան։ Չի կարելի Ռուսաստանը թողնել այդ մարդկանց «հույսին», ովքեր ԽՍՀՄ-ից շատ բան են կրում իրենց մեջ»,-ասել է Յումաշևը։
Ըստ նրա, Ելցինը Պուտինի մեջ տեսել է մի մարդու, ով կշարունակի իր լիբերալ բարեփոխումները՝ կապված շուկայական տնտեսության հետ: