Հորդանան այցի շրջանակում (սեպտեմբերի 8-11-ը) այդ երկրում ՀՀ դեսպան Արշակ Փոլադյանը (նստավայրը` Դամասկոս) հանդիպել է Հորդանանի բարձրագույն կրթության նախարար Ամին Մահմուդի հետ:
Հանդիպման ընթացքում քննարկվել է Հայաստանի և Հորդանանի միջև կրթության և գիտության բնագավառում համագործակցության հետ կապված հարցերի շրջանակ: Երկուստեք ընդգծվել է երկու երկրների միջև ստորագրված գործողությունների ծրագրի իրականացման շրջանակում ուսանողների փոխանակման գործընթացի կարևորությունը:
Քննարկվել են նաև առաջիկայում Հորդանանի բարձրագույն կրթության նախարարի` Հայաստան կատարելիք այցին առնչվող հարցեր։