Կալինինգրադում ուղևորատար ավտոբուսը մխրճվել է կենտրոնական շուկայի մոտ գտնվող ծաղիկների տաղավարի մեջ: Համապատասխան տեսանյութը հրապարակել է Լայֆը։
Շուկայի տնօրեն Սերգեյ Զվանոկն ասել է, որ ոստիկանության և ԱԻՆ-ի հետ միասին տեղում աշխատում են շուկայի անվտանգության աշխատակիցները:
«Ոչ ոք չի տուժել, քերծվածքներ է ստացել միայն տաղավարներից մեկի աշխատողը: Մեր տեսախցիկներով կարող եք տեսնել այն պահը, երբ ավտոբուսը կտրուկ շարժվում է դեպի շուկա: Ոստիկանությունն արդեն տեսել է տեսանյութը»,-նշել է Զվանոկը:
Վաճառողներից մեկի խոսքով՝ տուժել են միայն իր ապրանքները, իսկ միջադեպի ժամանակ ինքը տեղում չի եղել:
Մանրամասները ճշտվում են:
